Германија губи 30 милијарди евра поради недостаток на персонал, над 400.000 слободни работни места

727
0
SHARE

Доколку компаниите можат да ги пополнат сите слободни работни места со експерти, германската економија ќе расте уште повеќе – и тоа со силен раст.

Недостатокот на квалификуван персонал го намалува германскиот економски раст до 0,9% на годишно ниво. Ова станува јасно од студијата на Институтот за германска економија (IW Köln), цитирана од „Spiegel“.

Според анализата, на корпоративна Германија и требаат околу 440.000 експерти. Ако бидат ангажирани, економското производство во Германија би можело да биде повисоко за 30 милијарди евра, покажува студијата. Тешката и често неуспешна потрага по квалификувани работници е важна причина за ниските деловни инвестиции и застојот.

Всушност, недостигот на квалификувани работници е на врвот на листата на грижи кај многу компании.

Една неодамнешна анкета спроведена од Германската комора за индустрија и трговија (DIHK) меѓу 24.000 компании покажа дека 60% од сите компании го проценуваат недостигот на квалификувани работници, како најголем бизнис ризик. Пред осум години овој удел беше само 16%.

Овој тренд може да се зголеми во наредните години. Според проценките на Институтот за истражување во Базел, „Prognos“ во 2030-та година, Германија може да има недостиг од 3 милиони квалификувани работници – дури и ако 200.000 квалификувани работници пристигнуваат во земјата секоја година.

LEAVE A REPLY

Please enter your comment!
Please enter your name here