Судијата до Јанкулоска: Нека ужива сега со бебето, на 16 август да дојде во суд

365
0
SHARE

Судијата Осман Шабани го одложи денешното рочиште за предметот „Титаник“ поради отсуството на поранешната министерка за внатрешни работи Гордана Јанкулоска кој е меѓу обвинетите.

Јанкулоска со своето новороденче сè уште е во болница. Судијата и порача 45 дена да се одмори и да ужива со своето бебе, а на 16 август задолжително да се појави на судењето.

Во судот денеска се појави поранешното раководство на ВМРО-ДПМНЕ, а последен дојде експретседателот на партијата Никола Груевски. Во овој случај им се суди за изборни нерегуларности и овој предмет на СЈО е најобемен и со најмногу обвинети.

Груевски и денеска не сакаше да даде изјава за медиумите, а пред новинарите од судот нема дадено изјава откако му беше изречена првата пресуда. По породилното отсуство Јанкулоска ја очекуваат рочишта и за случајот Тенк, случај во кој постапката за нејзе беше издвоена.

За случајот Титаник СЈО не побара издвојување за нејзе. Нејзината одбрана и одбраната на поранешниот министер за транспорт и врски Миле Јанакиески пред денешното рочиште доставиле предлог до судот јавноста да биде исклучена кога ќе бидат пуштани бомбите во судница. За овој предлог судот дополнително ќе се изјасни.

LEAVE A REPLY

Please enter your comment!
Please enter your name here