Американскиот претседател Доналд Трамп одобри напад врз Иран поради соборување на американското беспилотно летало, но по неколку часа тој се повлече и го откажа нападот, пишува „Њујорк тајмс”.
Трамп првично одобрил напад на одреден број избрани цели, како што се радарски и ракетни системи, според информации од високи административни службеници вклучени или информирани за темата.
Нападите биле закажани за петок пред зори за да се намали ризикот за иранската војска или цивилите, додаваат.
„Авионите веќе беа во воздух и бродовите на своите позиции, но ниту еден проектил не беше лансиран кога пристигна пораката: Откажете“, Њујорк тајмс цитираше висок официјален претставник од Белата куќа.
Breaking News: President Trump pulled back from strikes against Iran late Thursday, hours after approving them in retaliation for the downing of a U.S. dronehttps://t.co/rXVmi2rv4i
— The New York Times (@nytimes) June 21, 2019
